Ержан Азаттықтың Астана бөліміне 2015 жылғы қаңтарда телеоператор болып қосылды. "Ирбис-ТВ" мен КТК телеарналарында жұмыс істеген. Павлодар мемлекеттік университетін бітірген.
17 наурызда Қазақстанда сайлау алдындағы үгіт-насихат науқаны аяқталады. Орталық сайлау комиссиясы дауыс беру күніне дайындықты пысықтап, есеп берді.
Қазақстан президентін БАҚ өкілдеріне ашық деуге келмейді. Ол үнемі қысқа брифингпен, мемлекеттік арналарға беретін санаулы сұхбаттарымен ғана шектеледі. Ал сайлау, референдум сияқты саяси науқан кезінде ол дауыс беретін учаскелерге билік Азаттық тілшілерін кіргізбей жүр.
Астана қаласында №2 округтік сайлау комиссиясының төрағасы әкімдіктен қысым көріп жатқанын айтып, Азаттыққа шағымданды. Арызданушы Айсара Жолмағамбетованың өзі – "Аманат" партиясының мүшесі. Сөзінше, жергілікті билік өкілі "орныңды босат, бұл – саяси мәселе" деген.
19 наурыздағы мәжіліс пен мәслихат сайлауына қатысатын жеті партия өкілдері 1 наурыз күні мемлекеттік телеарнада дебат өткізді. Әлеуметтік, экономикалық тақырыптарға арналған пікірсайыста Қаңтар оқиғасы, құрбандар өлімінің тергелуі, елдегі адам құқығы мәселелері айтылмады.
19 наурызға белгіленген сайлауға санаулы күн қалды. Үгіт-насихаттың басталғанына да 10 күннен асып кетті. Сайлау қалай сезіліп жатыр? Азаттық кандидаттарды көрдіңіз бе деп тұрғындардан пікір сұрады. Жауапқа назар аударайық.
Құқық қорғаушылар "Масс-медиа туралы" даулы заң жобасын қайта жазып шығуды талап етеді. Бүгін баспасөз жиынын өткізген олар президентке арнайы хат дайындап жатқанын айтты. Олардың сөзінше, заң жобасында журналист құқығын шектейтін норма көп.
Былтыр ғана тіркелген "Байтақ" экологиялық партиясы сайлауалды съезін өткізді. Жас партия мәжіліске 23 адам ұсынбақ. Бірақ атыраулық мүшесі тізімнен өзін таппай, наразылық білдірді. Сөзінше, оның орнына бұрынғы "Нұр Отан" партиясының мүшесі Ирак Елекеевтің ұлы кіріп кеткен.
«Жалпыұлттық социал-демократиялық партия» (ЖСДП) 19 наурызда өтетін парламент сайлауына үміткерлерін атады. Мәжіліске олар 19 адамды партия тізімімен, тағы 6 адамды бір мандатпен аймақтардан қоспақ. Бірақ партияның сайлауалды бағдарламасы әлі дайын емес.
Қазақстан президенті Қасым-Жомарт Тоқаев сенаттың төрағалығына Мәулен Әшімбаевты ұсынып, депутаттар бірауыздан қолдады. Президенттің парламентке келетіні туралы журналистерге алдын-ала хабарламады және жиынға тілшілер кіргізілмеді.
Қазақстанда 19 наурызға белгіленген мәжіліс сайлауына өзін өзі ұсынып жатқандар көп. Астанада алғашқылардың бірі болып оппозициялық саясаткер Уәлихан Қайсаров бір мандаттық жүйемен мәжіліске депутат болу үшін құжат тапсырды. Ол осы сайлау әділ өтеді деп үміттенеді. Бірақ сарапшы бұған күмәнмен
2022 жылы Қаңтар оқиғасы кезінде Ақтау қаласында мыңдаған адам әлеуметтік, саяси талап қойып, орталық алаңға жиналған. Олардың ортасында кәсіподақ лидері Әмин Елеусінов көзге көбірек түсті. Қаңтар оқиғасына бір жыл толғанда Азаттық белсендімен сұхбаттасты.
Былтыр Қаңтар оқиғасы кезінде "әскери қызметішінің өміріне қасақана қауіп төндірді, солдатты басып өлтірді" деп айыпталған Қазыбек Құдайбергеновтың шағымын қарап жатыр. 19 қаңтардағы сот отырысында прокурор оның жаза мерзімін 20 жылға ұзартуды сұрады.
2022 жылы кемі 238 адам қаза тауып, мыңдаған азамат жараланған Қаңтар оқиғасы Жаңаөзен қаласынан басталды. Газдың қымбаттауына қарсы шыққан қала тұрғындарын Қазақстанның барлық өңірі қолдап, соңы дүрбелеңге ұласты. Азаттық журналисі Жаңаөзенеге 1 жылдан соң қайта барып, тұрғындармен сөйлесті.
Батыс Қазақстан облысындағы Қарашығанақ кен орнында KKS-Sicim компаниясының жүз сандаған жұмысшысының жалақы көбейтуді талап етіп жатыр. Жалпы жұмысшылар ереуілі елде жиі болады. Қазақстанда еңбек дауы неге көп деген сауалға Тәуелсіз кәсіподақ лидері Құспан Қосшығұлов жауап берді.
Қаңтар дүрбелеңі кезінде президенттің «Шетелден келген содырлар», «басы кесілген сарбаздар», «Алматыға шабуылдаған 20 мың бандит» деген сөздерінің кейбірі бір жыл өткен соң жоққа шығарылып жатыр.
Қазақстанда коронавирус жұқтырғандар көбейіп барады. Денсаулық сақтау министрлігі дерегінше, кейінгі айда індет жұқтыру екі жарым есе артқан. Өткен тәулікте инфекциядан бір адам көз жұмғаны хабарланды. Жағдайды маусымдық тұмау ушықтырып тұр. Әсіресе балалар арасында ауруы асқынғандар көп.
Бас прокуратура кемі 238 адам қаза тапқан Қаңтар оқиғасы туралы Азаттыққа сұхбат берді. Құзырлы орган өкілдері қаза тапқандар дерегі, ҰҚК бұрынғы төрағасы Кәрім Мәсімовтің соты, оқ атқандарды жауапқа тарту, президент айтқан "20 мың бандит" пен "шетелдік террористер" туралы сұрақтарға жауап берді.
Он күн бойы аязда үйіне бармай жалақы көтеруді талап еткен маңғыстаулық мұнайшылардың ереуілінің соңы қылмыстық іс қозғаумен аяқталды. Мұнайшылардың кейбірі жұмыстан шығарылған. Жұмыс беруші олардың талаптарын ішінара орындағанмен, ереулшілер разы емес.
Қазақстан халық партиясы тізімімен мәжіліске сайланған депутат Ғазиз Құлахметов биыл президенттікке түскен кандидаттар арасында қазіргі президентке лайықты бәсекелес болмады дейді. Ол елде президент болғысы келетіндер көп, бірақ, 2029 жылы болатын сайлауға әзірленіп жатыр деп санайды.
Маңғыстауда мұнайшылар тағы да ереуілге шықты. Түпқараған ауданындағы Солтүстік Қаражанбас кен орнында істейтін Phystech-2 компаниясының жұмысшылары жалақыларын көтеруді талап етіп, үш күннен бері наразылыққа шығып тұр.
Тағы
